Ослободителните движеньа и востаниjа во Македониjа (1564-1615)

Периодот на ропството под Турците, од втората половина на XVI и првите две децении на XVII век, е недоволно проучен од нашата историска наука и уште помалку и е познат на пошироката читателска публика. Постојат извесен број трудови, за жал, не многу, како и неколку прилози, но сите тие третираат одредени прашања од тој период од македонската историја, така што, досега, не е направен посериозен обид да се даде поцелосна претстава за тоа што се се случуваше во тоа време во Македонија.

Зафаќајќи се со оваа проблематика, ние се обидовме токму во таа смисла, донекаде, да се надополни празнината што постои, односно, да се даде еден систематизиран труд, кој ќе даде покомплетна претстава за ослободителната активност и за борбата на македонскиот народ за своето ослободување од 1564 до 1615 година.