Политическото веруjу на македонците

ВЛАДИСПАВ (СЛАВЧО) КОВАЧЕВ (1875-1924). Роден на 5 јануари 1875 година во Штип. Во Софија завршил гимназија и военото училиште. Во 1895 година се вклучил во македонското револуционерно движење. Од 1899 до 1901 година бил секретар на Врховниот македонско-одрински комитет (ВМОК). Во 1903 година учествувал во Илинденското востание како штипски војвода. Од 1904 до 1909 година студирал правни науки во Париз. Во 1911 година докторирал во Брисел. Од 1919 до 1924 година работел како адвокат и судија во Софија. Во 1919 година ја издал брошурата "Автономна Македонија". Во 1920 година станал член на Привремената комисија на македонската емиграција во Бугарија. Во 1921 година станал раководител и идеолог на Македонската емигрантска федеративна организација (МЕФО). Од 1920 до 1922 година бил уредник на в."Автономна Македонија". Во 1923 година станал член на Раководното тело на Илинденската организација. Во декември 1923 година бил избран за член на Привремениот управен совет на Македонскиот научен институт. На 13 септември 1924 година бил убиен во Софија.